Día Européu de les Llingües
![](http://chped.net/https/upload.wikimedia.org/wikipedia/commons/thumb/1/14/Europallingues.jpg/450px-Europallingues.jpg)
El 26 de setiembre de 2001 foi proclamáu pol Conseyu d'Europa col sofitu de la Xunión Europea, el Día Européu de les Llingües (6 d'avientu de 2001).[1][2] El so principal oxetivu ye fomentar l'aprendizaxe d'idiomes en toa Europa, tanto en mozos como en vieyos.
Oxetivos xenerales[editar | editar la fonte]
- Concienciar al públicu sobre la importancia del aprendizaxe d'idiomes y diversificar la gama de llingües, p'afalar el plurillingüismu y la comprensión intelectual.
- Promover la rica diversidá llingüística y cultural d'Europa.
- Fomentar l'aprendizaxe permanente d'idiomes dientro y fuera de les escueles.
Nesti día entámense una serie d'eventos en toa Europa, actividaes pa neños, programes de radio y televisión, clases d'idiomes y conferencies.
Acordies con una encuesta fecha en febreru de 2006, el 56% de los ciudadanos de la XE (25 Estaos miembros) falaben un idioma distintu de la so llingua materna, pero'l 44% almitía namái l'aprendizaxe, usu y conocencia del idioma nativu. El 38% de la ciudadanía de la XE indicaben que saben inglés, siguíu col 14% pol alemán y el francés. L'européu multillingüe suel ser un estudiante o un titular d'un cargu direutivu.
La Xunión Europea invierte 30 millones d'euros al añu pa promover l'aprendizaxe d'idiomes y la diversidá llingüística, al traviés de los programes "Sócrates" y "Leonardo DaVinci", una política qu'entamó en 1990 col programa "Lingua".[3]
Referencies[editar | editar la fonte]
- ↑ EUROPA - El portal de la Xunión Europea (21 de setiembre de 2007). «26 de setiembre - Día Europeo de las Lenguas» (castellanu). Consultáu'l 18 d'ochobre de 2008.
- ↑ Institutu Cervantes (2008). «Día Europeo de las Lenguas» (castellanu). Consultáu'l 18 d'ochobre de 2008.
- ↑ Comunidad Escolar Periódico digital de información educativa (10 de setiembre de 2003). «Plan europeo para el aprendizaje de idiomas» (castellanu). Archiváu dende l'orixinal, el 2021-06-17. Consultáu'l 18 d'ochobre de 2008.