Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. Pues añadiles tu mesmu o avisar al autor principal del artículu na so páxina d'alderique pegando: {{subst:Avisu referencies|Civilización púnica}} ~~~~
La civilización púnica[1] o cartaxinesa[2] foi un Estáu y civilización de l'Antigüedá clásica que englobaba la ciudá de Cartago y los sos territorios dependientes. El so idioma, cultura y relixón provienen de los fenicios.
La ciudá de Cartago, primeramente una colonia fenicia (la pallabra llatina punĭcus -"púnicu"- significaba "feniciu" -del griegu phoinikes-), tres la decadencia de la so metrópolis (Tiro -incorporada al Imperiu neobabilónicu nel 573 e.C.-), desenvolvió una alianza o lliga con otres ciudaes púniques del Mediterraneu occidental basada na hexemonía de Cartago, que col tiempu terminó integrando toles ciudaes a los sos dominios. La so forma d'Estáu evolucionó dende una tiranía con ciertes carauterístiques monárquiques, hasta un sistema dafechu republicanu. La estensión territorial de los sos dominios formaron un verdaderu Imperiu púnicu.